Kompania e fanellave të kombëtares zvicerane “Puma” ka reagar pas grisjes së disa fanellave gjatë ndeshjes së djeshme kundër Francës.
Pas shakasë së Xherdan Shaqirit, i cili tha se shpreson që “Puma” të mos prodhojë ndonjëherë prezervativë, kompania ka reaguar duke thënë se po heton seriozisht grisjen e fanellave.
Sipas Puma-s, grisja mund të ketë ndodhur nga përdorimi i materialeve të dobëta apo copës së skaduar vetëm në fanellat zvicerane pasi kombëtare të tjera nuk kanë raportuar probleme.
“Ne menjëherë filluam të hetojmë arsyen pse janë shqyer fanellat e Zvicrës. Shqetësimi kryesor i Puma është se gjithmonë duam të sjellim standard të lartë të cilësisë. Ne marrim pjesë në Euro 2016 edhe me fanellat e Austrisë, Çekisë, Italisë dhe Sllovakisë, por federatat e atyre vendeve na kanë konfirmuar se nuk kanë pasur ndonjëherë problem me fanellat”, thuhet në komunikatën e lëshuar.
Lexo gjithashtu
