Java e 13-të e Superligës, u mbyll me fitoren e Tiranës ndaj Kastriotit me shifrat 4-0. Renditja në tabelë tashmë “përmbysë” kreun e saj, ku Tirana fiton momentalisht derbin me Partizanin.
Golat e takimit u realizuan nga Xhixha, Kallaku, Patrick dhe Nikqi. Në fundin e takimit ishte Kallaku i cili foli për mikrofonin e Oversport. Mesfushori bardheblu arriti të fitonte dhe penalltinë në pjesën e parë e cila u ekzekutua nga Xhixha, që nuk arriti të realizonte me goditjen e parë, por pas vijimi të aksionit.
Deklarata:
“Jam i lumtur kur ekipi shënon, sigurisht jam i kënaqur edhe për golin tim. Kur goli vjen shumë shpejt neve lojtarëve na jep më shumë siguri. Prisnim një ndeshje të fortë, por luajtëm mirë dhe arritëm të shënonim tre gola që në pjesën e parë.
Nuk besoj se jam zëvendësuar nga ndërhyrja tek penalltia. Por kam disa kohë që vuaj nga muskujt e barkut dhe shpresoj që të rikuperoj plotësisht. Na presin dy sfida shumë të rëndësishme dhe shpresoj që të kemi një ecuri pozitive.
Nuk dua të shoh aq larg për momentin. Dua të bëj sa më mirë për Tiranën, që më pas të kap kombëtaren. Nuk jam në formën tim optimale, por punoj dita-ditës që të arrij formën më të mirë dhe më pas mund të ndodhë çdo gjë”
Lexo gjithashtu
