Dinamo po kalon një situatë negative në javët e fundit teksa ka humbur pozitën e vendit të parë, madje ka zbritur në të tretin. Rezultatet e negative kanë bërë që trajneri Nevil Dede të shkarkohej dhe një emër i përfolur për ta zëvëndësuar është ish-trajneri kampion me Partizanin, Skënder Gega. Tekniku 59-vjeçar në një prononcim për Newsport.al ka sqaruar situatën.
“Patjetër që kam dëshirë për të qenë i pranishëm në stadiume për të ndjekur ndeshje të ndryshme por nuk ka pasur asnjë interes nga ana ime dhe nuk kam asnjë ofertë për t'u ulur në pankinën e Dinamos me gjithë respektin e madh për këtë klub. Patjetër që kam qenë i pranishëm në stadiume dhe do vazhdoj të shkoj sepse është profesioni im por nuk janë lajme të vërteta.”-deklaron Gega.
Lexo gjithashtu
