Elton Marini është një nga emrat e përfolur për t’iu bashkuar Erzenit si drejtor sportiv. Klubi shijakas nuk po kalon momentin më të mirë sa i përket financave. Megjithatë brenda ekipit kanë premtuar siguri ekonomike për sezonin e ri.
Pikërisht për këtë ka reaguar për Newsport.al, Elton Marini. Ish drejtori sportiv i kampionëve të Partizanit tregoi se ka marrëdhënie pozitive me drejtuesit e Erzenit, por për momentin nuk ka asgjë për një pozicion zyrtar në klub.
“Unë nuk jam kontaktuar nga askush. Kam marrëdhënie pozitive me drejtuesit e sezonit të shkuar, por nuk kam një marrëveshje me ta. Jam me pushime me familjen”, tha shkurtimisht Marini.
Pritet të shihet se çdo të ndodhë në kampin e Erzenit në edicionin e ri sportiv. Në sezonin që lamë pas rrezikuan seriozisht mbijetesën. Por, Play-Off me Korabin nxorri fitues shijakasit.
Lexo gjithashtu
