Trajneri i njohur i futbollit shqiptar Shpëtim Duro u lakua gjatë dy ditëve të fundit si njëri prej kandidatëve potencialë për të marrë drejtimin e Kamzës pas shkarkimit të befasishëm të Bledar Devollit. Në një prononcim për "newsport.al" ish-trajneri i Partizanit dhe Flamurtarit zbuloi të vërtetën në lidhje me afrimin e tij te Kamza, ku pranoi se ka patur bisedime me drejtuesit e klubit.
"Kam qenë i pari në listë nga emrat që janë lakuar që kam hyrë në bisedime me drejtuesit e Kamzës. Unë presidentin Qarri e kam mik të vjetër, por më duhet të them se nuk kam pranuar të drejtoj ekipin e tij. Nuk dua të kem marrëdhënie pune me një njeri që e kam mik. Kam patur oferta për të drejtuar skuadra brenda dhe jashtë Shqipërisë, por nuk mendoj se ka ardhur momenti i duhur për të pranuar drejtimin e një ekipi. Do të pranoj të marrë përsipër menaxhimin e një skuadre kur të ndihem gati", u shpreh 58-vjeçari.
Lexo gjithashtu
