Sa shumë e kemi pritur një Kombëtare të tillë. Shqipëria e sotme është një skuadër me yje, plot cilësi dhe e aftë t’u bëjë ballë ekipeve më të forta. Këto kualifikuese e treguan mjaft mirë këtë teksa kemi mposhtur të gjitha skuadrat madje me rezultate bindëse duke pësuar vetëm 3 gola në transfertë dhe asnjë në shtëpi.
Grup të tillë s’kemi patur ndonjëherë, këtë e thonë të gjithë tashmë, edhe ata që janë shumë nostalgjik për kohët e Skelës, Tares, Bogdanit, Canës e me rradhë. Trajneri Sylvinho ka bërë një listë të gjatë prej më shumë se 70 emra lojtarësh të cilët i mban nën vëzhgim konstant. Secili prej tyre është i aftë të japë kontributin e tij duke bërë që konkurenca të kapë kulmin brenda grupit.
Ndeshja me Çekinë e demonstroi me fakte dhe numra këtë. Formacioni titullar i hedhur nga Sylvinho kishte një vlerë prej 42.2 milionë euro ndërsa stoli, një vlerë prej 34 milionë eurosh. Nivele thuajse të njëjtë që nëse shtojmë Armando Brojën dhe Ardian Ismajlin kapim shifrën e majme prej 107.7 milionë eurosh gjithsej si vlerë grupi.
Gjysma e shqiptarëve ‘zihen’ se kush duhet të luajë i pari, Muçi e Uzuni apo Seferi, Cikalleshi apo Daku e Broja, Strakosha e Kastrati apo Berisha, Balliu apo Hysaj, Ajeti apo Mihaj, Laçi, Bare e Gjasula apo Ramadani me Asllanin. Ndërsa ka edhe emra të tjerë që presin ftesën si Muçolli, Çuni apo Xhixha e me rradhë.
Të gjithë pa përjashtim janë mëse të denjë të përfaqësojnë fanellën kuqezi si titullar sa herë t’ju jepet shansi nga Sylvinho.
Lexo gjithashtu
