Mbrojtësi Renaldo Kalari nuk do të jetë i gatshëm për takimin ndaj Kamzës që do të zhvillohet në fundjavë, në kuadër të javës së 18-të të kampionatit. Kalari ka pësuar një dëmtim në ndeshjen që Partizani luajti në çerekfinalen e Kupës ndaj Flamurtarit.
Në minutën e 83' mbrojtësi ka qenë i detyruar të dalë jashtë fushës dhe është zëvendësuar më pas nga Kotobelli. Ai la fushën e blertë duke çaluar dhe të gjithë menduan së kishte diçka dhe ashtu ka rezultuar. Pas ekzaminimeve të fundit, u pa e nevojshme që Kalari t'i nënshtrohej një faze rikuperuese.
Kjo gjë do të zgjasë për gati një javë. Mjekët kanë thënë se mund të jetë gati për ndeshjen ndaj Laçit, por as kjo gjë nuk është e sigurtë. Ajo që dihet është që Kalari do të "braktisë" Partizanin në takimin ndaj Kamzës.
Lexo gjithashtu
