Presidenti i Vllaznisë, Alban Xhaferri foli për Oversport pas fitores ndaj Kukësit.
Kemi bërë dy ndeshje jo të mira më përpara. Fitorja e sotme na jep më tepër siguri dhe na jep forcë për ndeshjen e ardhshme me Tiranën. Vllaznia luan gjithmonë për të fituar dhe për trofe. Kemi patur probleme me dëmtimet që na kanë penalizuar. Vllaznia ka kualitetin e vet por nuk duhen anashkaluar ekipet e tjera. Kampionati është i vështirë dhe secila skuadër të merr pikë. Futbolli është futboll, i ka të tre rezultatet.
Ëndërroj që Vllaznia të jetë skuadër në grupet e Europës por duhet të ulim kokën dhe të vlerësojmë cdo ndeshje në kampioantin tonë fillimisht. Ne do të ruajmë grupin dhe të përforcohemi aty ku kemi nevojë, Balaj e konfirmoi këtë.
Kemi lojtar cilësor dhe tifozëria shkodrane është e mrekullueshme ndaj duhet të ecim të gjithë sebashku e të arrijmë objektivat sezonal e më pas të shohim më tej, te qershia mbi tortë që është Europa. Sot ishte ftohtë dhe kjo i frenoi tifozët por me Tiranën dhe në vazhdimësi tifozëria do të rritet.
