Dje, presidenti i klubit të Skënderbeut ka vizituar ekipin në Turqi, ku po zhvillon dhe fazën përgatitore prej disa ditës. Së bashku me trajnerin Ilir Daja, presidenti Takaj ka parë nga afër seancën stërvitore të korçarëve për mësuar më shumë sektorët ku ka ende probleme.
Mësohet se nga vizita që Takaj ka bërë dje në Turqi, ai i ka premtuar trajnerit Daja lojtarë të rinj për të kompletuar grupin në prag të nisjes së pjesës së mbetur të kampionatit. Thuhet, se Skënderbeu do të presë këto ditë lojtarë të rinj në ekip edhe pse nuk ka emra konkretë.
Nga biseda që është zhvilluar dje mes presidentit dhe trajnerit, drejtuesit e klubit janë vënë në lëvizje për të përforcuar repartin sulmues, që ishte dhe më problematiku në dy fazat e para, pasi ekipi nuk mundte dot të gjente golin në portën e kundërshtarit.
