Besnik Kapllanaj ka folur pas ndeshjes Vllaznia – Bylis, e cila përfundoi me rezultatin 2-1 në favor të shkodranëve. Pas takimit, presidenti i mallakastriotëve akuzoi publikisht Kridens Metën, si bilbilin që i shkakton dëm gjithmonë ballshiotëve. Për mikrofonin e Oversport, Kapllanaj tha:
“Nuk ishte vetëm episodi i fundit i ndeshjes. Është episodi që na dhemb më shumë është kur sulmuesi Bejl shkon drejt portierit, por gjyqtari ndali lojën. Rasti i penalltisë në fundin e ndeshjes. Kemi parë një tendencë gjatë gjithë ndeshjes.
Smajli bëri një ndërhyrje me dorë 3 herë rresht. Ai vetëm fanelën nuk i grisi lojtarit. Është një kaskë e vetë, Kridens Meta, Ardian Beqiri dheBujar Pregja kudo që shkel Bylisi. Këta vijnë me tendencë për ta dëmtuar. Është një kaskë e vjetër që nuk i bën mirë futbollit shqiptar. Edhe Bujar Pregja kur shkon te ai emisioni në darkë.
Absolutisht që nuk duhet të bëjë 2 punë. Ai nxjerr rastet që do, jo ato që janë. Këta gjyqtarë nuk do të jenë më kur luan Bylisi, sidomos Kridens Meta. Më mirë të arbitrojë një gjyqtar i ri siç ka ndodhur në 3 sfida rresht. Kanë mbajtur ndeshje. Edhe nëse gabojnë, e bëjnë padashje. Këta janë një grup arbitrash që e dëmtojnë Bylisin.
Ne s’jemi Real Madrid. Një rast, një penallti, kjo nuk shkon. Jemi në fazën e parë. I kemi kërkuar Federatës që të mos na arbitrojnë këta gjyqtarë. Kridens Meta ka vitet e vite nuk e mban Bylisin. Tani ka filluar të futet te VAR-i. U desh 8 minuta në Kukës. Ky është problem, rast i përsëritur”.
Lexo gjithashtu
