Presidenti i Federatës së Futbollit në Shqipëri, Armand Duka ka folur në një intevistë me gazetarin e njohur sportiv, Gerti Çarçani, për disa nga arritjet e FSHF gjatë vitit 2022.
Presidenti Duka ka folur për shumë nga arritjet e FSHF dhe projektet që janë në zhvillim e sipër, gjë e cila do të sjellë një zhvillim të madh për futbollin në Shqipëri.
Kombëtarja tashmë është në gjurmët e një trajneri të ri, dhe presidenti Duka ka zbuluar që në listë janë 3 trajner të cilët, do të kenë në dorë të ardhem e kombëtares së Shqipërisë. Një nga këto trajner do të jetë në krye të pankinës së Kombëtares, të cilët nuk janë vetëm nga Italia apo Europa.
Pjesë nga intervista e presidentit Duka:
Trajneri Reja ka përfunduar kontratën. Jemi në bisedime me disa trajnerë të tjerë dhe shumë shpejt do zyrtarizojmë stafin e ri për të filluar në janar përgatitjet. Deri në janar do e kemi mbyllur këtë proces. Kemi 3 emra dhe besoj se një nga këto të tre, të cilët nuk janë të tre nga Europa apo Italia, por janë nga vende të ndryshme. Janë trajnerë me eksperiencë, por dhe pa shumë eksperiencë.
Reforma e moshave, ka qenë një nga reformat kryesore që kanë ndodhur këtë vit. Ndoshta një reformë e vonuar, për riorganizimin e garave të fëmijëve. Nuk mund të pretendosh që të kesh kualitet, në një garë ku në Superiore, ka ekipe pafund dhe të niveleve të ndryshme. Gjithë Europa ka të njëjtin numër dhe formulë, me ekipin profesionist.
Ne deri një vit më parë e kishim ndryshe. Nëse gara është e dobët, prodhon më pak futbollistë. Ndryshimi i sistemit të garave, ka qenë shumë e rëndësishme. Nuk ka cenuar asnjë. Nuk ka përjashtuar asnjë. Kjo i jep mundësinë shtimit të numrit të futbollistëve.
Rezultati më i rëndësishëm për futbollin e femrave, është ajo arritje e Vllaznisë. Shkodranet për herë të parë luajti në grupet e Ligës së Kampioneve, ku shorti i vendosi me ekipe shumë të vështira, si Chelsea, Real Madrid apo edhe PSG. Padyshim që niveli i tyre është shumë i lartë, por vajzat e Vllaznisë, edhe në këto gara dhuruan ndeshje të bukura, pavarësisht se nuk arritën pikë. Le të shkojmë në grupe të Champions League me meshkujt dhe të mos marrim pikë.
Ligji i sponsorizimeve është i domosdoshëm. E kemi thënë disa herë, pavarësisht se duan të na dëgjojnë apo jo. Të shikojmë Kosovën. Na morën një sponsor së fundmi. Mua dhe drejtuesve të klubeve të Superiores, na është premtuar nga vetë kryeministri se do të realizohet.
Një tjetër premtim, ka qenë edhe fondi nga bastet sportive, për të cilin ne nuk promovuam bastet në vend, por të dalë në dritë ajo që luhet në errësirë. Le të dalin në dritë këto financa dhe të shkojnë për sportin. Na është premtuar nga kryeministri dhe shpresoj që të ndodhë.
Ne nuk i kemi ndërpresë lobimet për këtë. Do e vazhdojmë, sesa do jemi të suksesshëm nuk varet nga ne. Na është premtuar nga kryeministri dhe besoj se mund të bëhet. Uroj të ketë ndonjë ndryshim dhe reflektim. Jemi e vetmja Federatë që kemi pasur zero buxhet nga qeveria. Ne jemi përjashtuar nga buxhetet, nuk e dimë çfarë do të ndodhë këtë vit.
Nëse ka një institucion në Shqipëri, që ka punuar për një arbitrazh të vërtetë, ajo është FSHF. Ne kemi zhvilluar seminare me juristët më të mirë të Europës. Është e domosdoshme që Shqipëria të ketë arbitrazhin e vet, por një institucion të besueshëm, ku aktorët të besojnë.
Nëse kampionati do të mbyllej sot, e ka fituar Partizani. Por gjithsesi rruga është shumë e gjatë. e rëndësishme është që të vazhdojmë të kemi një garë të mirë dhe të fortë. Ekipet të përforcohen në janar dhe të kemi një kampionat më të bukur dhe ekipet të kenë një ecuri të mirë në Europë.
Lexo gjithashtu
