Dinamo jep lajmin e madh, klubi është bërë me president të ri dhe janë afruar 3 invesitorë të rinjë. Ardian Bardhi, Gurten Papuli, Olger Prifti I bashkohen kështu Marco Pontrellit në drejtimin e klubit. Dinamo përmes një postimi në faqen zyrtare ka bërë me dije se Ardian Bardhi do të jetë presidenti i ri I klubit.
Prej më shumë se një viti, Pontrelli ishte presidenti i vetëm i skuadrës, por duke parë ecurinë e mirë këtë sezon, Ardian Bardhi, Gurten Papuli, Olger Prifti kanë vendosur të investojnë te Dinamo. Objektivi momental është rikthimi në Superligë sezonin e ri dhe Dinamo është pranë arritjes pasi kryeson Grupin A të Kategorisë së Parë.
Postimi i Dinamos:
Projekti Dinamo ka marrë një udhë të re, të sigurtë dhe me një projeksion suksesi për ta rikthyer një ndër skuadrat më të titulluara në vend me 18 kampionate të fituar në elitën e futbollit shqiptar.
Ardian Bardhi do jetë presidenti i ri, teksa në grupin e investimit do jenë njëherazi Gurten Papuli, Olger Prifti dhe Marco Pontrelli.
Bashkimi i investitorëve të rinj e falenderon Pontrelin për atë çka ka bërë deri tani me Dinamon në Kategorinë e Parë teksa të gjthë janë të bindur që tani e tutje përveç forcimit të aspektit financiar klubi do ketë një progres në organizim, menaxhim dhe infrastrkturë.
Bardhi ka përvojë në futboll si zv.President tek klubi i Teutës dhe është një vlerë e shtuar për Dinamon. Eksperienca e tij e fituar në futboll do ta ndihmojë Dinamon të ngjitet në majat më të larta, teksa Papuli dhe Prifti përveç resurseve financiare kanë dëshirën, vullnetin dhe vizionin për të ndërtuar një kompani sportive model.
Objektivi parësor është ngjitja në Superiore por nuk do ndalemi me kaq pasi do të kujdesemi të ruajmë traditë dhe vlerat e këtij klubi, që ndër dekada ka fituar simpatinë e të gjithë publikut për sjelljen brenda dhe jashtë fushës.
Ne do të ofrojmë 24 orë të ditës sonë, buxhetin dhe një staf profesional për të qenë sërish, jo më vetëm një nëndetëse, por një anije e fortë, e shtruar dhe pa ndalesa.
Ndaj kemi nevojë për të gjithë për ta ribërë atë që ka qenë.
Lexo gjithashtu
