Elseid Hysaj do ta nisë nga minuta e parë ndeshjen kundër Sturm Graz. Mbrojtësi i kombëtares shqiptare, ka folur para takimit për “Sky Sport”, ku ka thënë që fitorja është objektivi i vetëm. Në fjalët e tij për mediet italiane, shkodrani është shprehur:
“Europa League është ndryshe nga kampionati. Në letër, në Europa League ka skuadra të lehta, por në realitet janë ekipe që të hapin shumë punë. Ne duam të bëjmë mirë paralelisht si në kampionat, ashtu edhe në këtë kompeticion.
Sturm? Ata kanë bërë mirë në fushë, vrapojnë shumë. Duhet të bëjmë më shumë sonte për të marrë një rezultat pozitiv. Si mbrojtës nuk dua të pësojmë. Të vazhdojmë të luajmë siç kemi bërë deri më tani”, ka thënë ai.
Poll
Lexo gjithashtu
