Televizioni Publik Shqiptar për herë të parë në historinë e tij shumë vjeçare nuk transmetoi kampionatin europian që u mbyll vetëm pak ditë më parë. Ky lajm në ditët e para të qershorit bëri bujë dhe zhurmë të madhe duke llogaritur dhe reagimet e ashpra të qytetarëve që shkruanin komente të pafundme në llogarinë e emisionit “Rubrika Sportive” në facebook. RTSH e transmetoi në radio Europianin ndërkohë që ironitë në lidhje me këtë fakt ishin të pafundme.
Pak ditë pasi ka përfunduar Europiani, newsport.al ka mundur të zbuloj një prapaskenë të papublikuar deri tani. Televizioni Publik ka refuzuar ofertën e bërë nga Top Channel për të transmetuar tre ndeshjet e Shqipërisë në Europian, e drejtë e cila do t’i mundësohej nëse TVSH do të paguante 150 mijë euro. Kjo ofertë u refuzua dhe shqiptartët e humbën mundësinë për të parë ndeshjet e kombëtares në televizionin që mbahet me taksat e tyre.
TVSH ka paguar 50 mijë euro për të transmetuar një ndeshje në javë nga Kategoria Superiore për sezonin 2015-2016, në total 36 takime për këtë shifër, ndërkohë që së fundmi, përkundër çdo llogjike financiare Partizani ka marrë plot 60 mijë euro për të drejtën televizive të ndeshjeve në Europë.
Një ndeshje e kombëtares në Europian vlente vetëm 50 mijë euro, shifër e cila pak ditë më parë në Televizionin Publik u konsiderua si tepër e lartë…
Komentatori Moisi Dalipi duke transmetuar finalen e "Euro 2016" në RTSH
Njoftimi në facebook nga redaksia e sportit në TVSH
Lexo gjithashtu
