Ramadan Ndreu apo Dejan Vukiçeviç në krye të Laçit? Kjo ishte pyetja më e zakonshme ditën e djeshme para ndeshjes së kurbinasve kundër Tiranës. Në medie u krijua kakofoni duke mos ditur se çfarë ka ndodhur me trajneri malazez të bardhezinjve.
Por, së fundmi kanë dalë në dritë prapaskenat. Shtypi i shkruar raporton se Vukiçeviç ka qenë në Podgoricë për shkak të një fatkeqësie familjare. Dhe kësisoj, skuadra është stërvitur për 3 ditë me radhë nga trajneri Ramadan Ndreu.
Para sfidës me bardheblutë, ai ka telefonuar drejtuesit e Laçit për t'i treguar se do të ishte në krye të detyrës në ndeshjen me Tiranën. Dhe në fakt ashtu ndodhi. Vukiçeviç drejtoi skuadrën në barazimin 3-3 të kurbinasve me kampionët e Shqipërisë. Pas 5 humbjeve radhazi, ai mori pikën e katërt me ekipin laçian.
Lexo gjithashtu
