Tirana është një nga skuadrat që ka hyrë vrullshëm në këtë merkato vere duke afruar futbollistë të rëndësishëm që do t’i shërbejnë organikës së drejtuar nga trajneri Orges Shehi. Megjithatë largimi i Albano Aleksit ka lënë bosh këtë pjesë të repartit të mesit të fushës.
Drejtuesit po punojnë intensivisht dhe në fshehtësi të plotë në merkato. Dy janë emrat që po lakohen për këtë rol. Bëhet fjalë për Idi Bathën dhe Fjoart Jonuzin. Burime të besueshme bëjnë me dije për Newsport.al që drejtuesit janë në dilemë se cilin prej tyre të zgjedhin. Pritet të shihet se çdo të ndodhë me bardheblutë që aktualisht janë në Ohër duke u bërë gati për ndeshjet e Europës.
Kujtojmë që shorti vendosi që nënkampionët e Shqipërisë të përballen me Dinamon Batumin, skuadër gjeorgjiane. Synimi është kalimi i turit të parë, megjithatë gjithçka do të mësohet pas ndeshjes së parë që luhet në datën 17 korrik.
Lexo gjithashtu
