Ju risjellim në vëmendje sesi ishte Kukësi në përfundim të kampionatit. Trajner Klodian Duro, drejtor teknik Hasan Lika, ndërsa kishte shumë lojtarë në dispozicion për kampionatin e ardhshëm. Fituan Kupën e Shqipërisë dhe të gjithë menduan se situata do të ishte e njëjtë edhe për Europa League.
E vërteta tashmë është krejt ndrysh. Hasan Lika kaloi në postin e trajnerit të skuadrës, ndërsa Dritan Dervishi u bë drejtor te verilindorët. Pas kësaj edhe ndryshimet në lojtarë janë të shumta, ku si largimet ashtu dhe afrimet mbajnë numër rekord.
Të gjithë janë kuriozë se si do të jetë e ardhmja pas këtyre lëvizjeve. Ju tregojmë se do të jetë e njëjtë si ajo e përfundimit të kampionatit, disa lojtarë do të largohen dhe të tjerë do të afrohen, madje dhe në staf do të ketë ndryshime, ku sërish stafi do të ndryshojë dhe posti i drejtorit do të ndryshojë.
[caption id="attachment_3498" align="aligncenter" width="770"]
Mirel Josa, trajneri që u shpall 4 herë kampion me Skënderbeun dhe që ka fituar simpatinë e presidentit të Kukësit[/caption]
Kush janë emrat dhe pse do të bëhen lëvizjet? Krejtësisht e thjeshtë: nëse Kukësi arrin të kalojë me sukses ndeshjet eleminatore të Europa League dhe të arrijë atje ku kërkon presidenca, stafi do të jetë i njëjtë, por nëse ndodh e kundërta lëvizjet do të jenë të shpejta. Në postin e trajnerit do të vijë Mirel Josa dhe Hasan Lika do të kalojë në pozicionin që mbajti gjatë vitit të shkuar. Sa iu përket lojtarëve, atë do ta vendosë trajneri Josa, me të cilin presidenca do të bëjë bashkëpunim për të shpallur Kukësin kampion. Këto janë informacionet që qarkullojnë në afërsi të skuadrës që do të luajë sezonin e katërt në Europa League.
Lexo gjithashtu
