Tirana do të luajë ditën e sotme ndaj Laçit, skuadër që nuk ia kadalë ende në këtë sezon ta mposhtë. Një duel mjaft i luftuar pritet të jetë në “Elbasan Arena’ në orën 17:00.
Bardheblutë kërkojnë vetëm 3 pikët për të shpresuar të rikthehen sërish në “Final – Four”, ndërsa prej ditësh kanë zhvilluar stërvitje intensive për kurbinasit. Por ditën e djeshme në përgatitjet e skuadrës ra në sy prezenca e Endri Vrapit.
Ky i fundit plotëson stafin e Erbi Fagut, teksa do të jetë ndihmësi i tij. Vrapi ka një eksperiencë të madhe në Superiore dhe do të jetë një “plus” i madh për bardheblutë për pjesën tjetër të sezonit. Në fakt për 41-vjeçarin është një rikthim në kryeqytet, teksa në të kaluarën ka mbajtur veshur edhe fanelën e bardhebluve si dhe të Partizanit, Vllaznisë, Skënderbeut, Besës, Elbasanit, Lushnjes dhe Teutës.
Lexo gjithashtu
