Napoli do të udhëtojë në “San Siro” për të zhvilluaer çerekfinalen e parë ndaj Milan në Champions League. Ky takim do të startojë në orën 21:00, me kuqezinjtë e Stefano Piolit që synojnë një tjetër fitore pas asaj 4-0 në Serie A.
Pikërisht në konferencën për shtyp ishte i pranishëm Pioli, i cili e konsideroi një përballje të vështirë, por të tijtë janë përgatitur për të marrë një rezultat pozitiv.
“Ne vazhdojmë me zakonet tona, mënyrën tonë të të qenit bashkë dhe t’i afrohemi punës së përditshme. Jemi të qetë sepse e kemi përgatitur mirë ndeshjen, duke e ditur se çfarë vështirësie ka dhe çfarë përfshin Champions League.
Duhet të kemi besim, sepse ky është një tjetër kompeticion, por ndeshjet direkte në ligë na kanë thënë se jemi dy skuadra shumë të forta. Megjithatë, nuk mund të bëni fotokopje të ndeshjeve të mëparshme, do të duhet të bëjmë situata të ndryshme dhe të jemi të fokusuar dhe të përdorim hapësirat e duhura.
Mungesa e Osimhen? Ne po flasim për një qendërsulmues të madh që shënon gola në mënyrë të përsëritur. Por po flasim gjithashtu për një ekip që kishte fituar gjithmonë pa të deri në ndeshjen kudnër nesh. Napoli ka sulmin më të mirë në Champions League, ata janë një ekip i fortë. Ne kishim të njëjtën përgatitje, me idetë tona të lojës. Pa Osimhen, Napoli do të jetë më pak i fortë në thellësi, por ne vazhdojmë situatat tona, se cilat janë karakteristikat tona dhe mënyra jonë e përgatitjes për ndeshjen”, përfundoi Pioli.
Lexo gjithashtu
