Në Pallatin e Sportit "Ramazan Njala" në Durrës për dy ditë me radhë u zhvillua kampionati Kombëtar i Peshëngritjes. Në disiplina dhe pesha të ndryshme, në këtë event morën pjesë shumë sportistë femra dhe meshkuj. Kampioni Briken Calja vendosi dy rekorde të reja Kombëtare, me sportistin e Tiranës që po tregon një formë të shkëlqyer para Kampionatit Europian që zhvillohet në Moskë.
Shtërmenasi vendosi dy rekorde Kombëtare në peshën 81 kilogram, duke ngritur 158 kilogram në shkëputje dhe 195 kilogram në shtytje. Me një rekord prej 353 kilogram në dygarësh, Calja regjistroi rekordin e ri Kombëtar.
Në këtë kategori ishte pjesëmarrësh edhe shkodrani Erkand Qerimaj, që për shkak të një lëndimi e mbylli eventin para kohe. Për femra, në peshën 55 kilogram u shpall sportistja më e mirë Evangjelia Veli, që ngriti në total 174 kilogram, 78 në shkëputje dhe 96 në shtytje.
Lexo gjithashtu
