Evangjeli Veli ka rezultuar pozitive me doping. Lajmi bëhet i ditur nga “Top Channel”, që tregon se në testin A të saj ka pasur gjurmë stanazololi sipas Qendrës Ndërkombëtare të Testimeve.
Stanazololi është një ndër elementet më të fuqishme të dopingut, që kanë përdorur dhe shumë sportistë të tjerë. Kujtojmë se Veli u shpall kampione Europe më 29 maj në Kampionatin Europian të zhvilluar në Tiranë, duke fituar 2 medalje ari dhe një argjendi.
Peshëngritësja shqiptare rrezikon pezullim të madh, pasi ka rezultuar pozitive me doping dhe në vitin 2018. Tashmë priten përgjigjet e testit B që është bërë deri më 3 gusht. Raste të tilla ka pasur dhe më parë në peshëngritjen shqiptare, teksa tashmë pritet të shihet një konfirmim për testin e dytë.
Poll
Lexo gjithashtu
