Duket se problemet e Tiranës nuk janë në fushë, por në financa.
Diçka e cila është pasqyruar edhe në këtë dritare të mërkatos së janarit. Bardheblutë kanë ofruar vetëm një futbollist, pikërisht Jurgen Goxha nga Erzeni dhe kanë larguar tre. Shpëtim Moçka "braktisi" kryeqytetin për ta rinisur nga Kategoria e Parë me Bylisin. Projekti ambicioz i ballshiotëve duket se bindi gardianin 29 vjeçar të ndryshojë ajër.
Një tjetër largim i bujshëm mund të cilësohet edhe ai i Sedat Berishës. Mbrojtësi me pasaportë maqedonase zgjodhi kampionët e Kosovës, Dritën për ta mbyllur këtë sezon futbollist. Edhe largimi i Dejan Blazhevski pritet të ndikojë jo pak te forma e 24 herë kampionëve të vendit, që pa maqedonasin kanë humbur një alternativë të rëndësishme për sulmin.
Gjithsesi, Tirana i ka futbollistët për të arritur mbijetesën, edhe pse ky sezon pritet të jetë me të vërtetë i luftuar.
Lexo gjithashtu
