Përcaktohet axhenda e ndeshjes Luftëtari – Tirana, ja stadiumi ku do të luhet të dielën

Është përcaktuar zyrtarisht vëndi se ku do të luhet ndeshja Luftëtari – Tirana. Në mungesë të gadishmërisë së stadiumit në Gjirokastër (për shkak të punimeve që vijojnë të bëhen), drejtuesit e klubit të Luftëtarit kanë vendosur që takimi me bardheblutë të luhet në stadiumin e qytetit të Peqinit. Kjo ndeshje do të zhvillohet ditën e dielë në orën 13:00.

Stadiumi i Peqinit edhe pse nuk ofron kushte optimale për zhvillimin e një ndeshje të Superligës, e kaloi provën në takimin Luftëtari – Vlllaznia, takim i cili përfundoi me rezultatin 1-1. Të dielën ka një tjetër test… Opsionet që ndeshja të luhej në Ballsh, Elbasan apo dhe Vlorë kanë rënë poshtë.