Trajneri i Partizanit Giovanni Colella ka folur në konferencën për mediat në prag të sfidës që të kuqtë do të zhvillojnë nesër ndaj Kastriotit. Ekipi i italianit vjen pas eleminimit ne Kupë ndaj Vllaznisë. Megjithëse fituan 1-0 Partizani nuk u kualifikua dot pasi kishte humbur ndeshjen e parë në Shkodër 3-1. Për sfidën e nesërme Colella ka të gjithë grupin në dispozicion dhe pret një rezultat pozitiv.
"Atmosfera? Sigurisht që nuk jemi të lumtur pas atij elimimi nga kupa, por jemi të sigurtë që kemi zhvilluar një ndeshje të mirë dhe shpresojmë të bëjmë një ndeshje akoma më të mirë ndaj Kastriotit.
Në përballjet ndaj Kastrotit keni regjistruar dy barazime? Kanë kaluar katër muaj tashmë, gjatë kësaj periudhe ndryshojnë shumë gjëra, si për ne edhe për ata. Çdo ndeshje ka historinë e saj. Shikoni diferencën e dy përballjeve tona në kupë ndaj Vllaznisë paraqitjen në Shkodër dhe atë në ndeshjen e kthimit në vetëm harkun e 15 ditëve. Imagjinoni distancën prej 4 muajsh. Për më teper kur tashmë po i drejtohemi fundit të kampionatit pikët janë më të rëndësishme si për ne edhe për Kastriotin.
Gjendja e skuadrës? Kemi me probleme me Telushin dhe Maguette, por të dy këta lojtarë nuk ishin në dispozicion edhe në ndeshjen e Kupës ndaj Vllaznisë. Pjesa tjetër janë të gjithë në dispozicion.
Kastrioti? Kastrioti është një kundërshtar shumë i vështirë dhe tani që lufton për mbijetesë është akoma edhe më i vështirë.
Gara për titull me Tiranën? Unë duhet të mendoj për Kastriotin dhe jo për Tiranën, për të do të mendoj kur të luajmë derbin."
Lexo gjithashtu
