Pele, një nga lojtarët më të mëdhenj të futbollit, një figurë legjendare e shekullit të 20-të dhe një sportist që njihet globalisht, vdiq në moshën 82-vjeçare në Sao Paulo.
Një hero kombëtar në Brazil, Pele ka pasur gjithmonë dashurinë përreth botës. Që nga të varfrit me të cilët u rrit, të pasurit nën rrethin e të cilëve udhëtoi dhe nga të gjithë ata që e panë të luajë me top.
“Pele është një nga të paktët që kontradiktoi teorinë time,”- tha Andy Warloh, “Në vend të 15 minutave të famës, ai do të ketë 15 shekuj.”
I përgëzuar për talentin e jashtëzakonshëm dhe origjinalitetin në fushë, Pele gjithashtu është një figurë e dashur për fansat me personalitetin e tij të ngrohtë dhe besimin te “Fuqia e Futbollit” për të lidhur njerëzit pavarësisht rracës, klasës apo nacionalitetit.
Fitoi tre Kupa Bote më Brazilin dhe 10 kampionate me Santos, gjithashtu një kampionat ne SHBA me New York Cosmos. Në ndeshjen e tij të lamtumirës në tetor të 1977-ës, Pele mori mikrofonin dhe u ngjit në podium në qendër të fushës përkrah babait të tij dhe boksierit Mohammad Ali dhe gjithashtu një turmë që e rrethonte prej 75 mijë spektatorësh.
“Bërtisni me mua tre herë,”- thërriti Pele, “për fëmijët: Dashuri! Dashuri! Dashuri!”
Në karrierën e tij 21-vjeçare, Pele, i lindur si Edson Arantes do Nascimento, shënoi 1283 gola në 1367 ndeshje, përfshirë edhe 77 gola me Brazilin.
Shumë prej këtyre golave u bënë legjendare por influenca e Peles është përtej golave. Ai ndihmoi në krijimin dhe promovimin e “Jogo Bonito”, Loja e Bukur, një stil loje që vlerëson talentin dhe kontrollin e topit, inovacionin, pasimet dhe atraksionin për të sulmuar. Pele e krijoi dhe për këtë, ai nuk do të vdesë kurrë...
Lexo gjithashtu
