Lorik Cana ka gjuajtur topin e fundit në Gjakovë në takimin që është zhvilluar mes Vllaznimit dhe Prishtinës, ku ish-kapitenit të Kombëtares shqiptare i është bërë një pritje madhështore nga tifozët e Vllaznimit.
"Pavarësisht vendeve ku kemi qenë aktivë, në qytetin tënd çdo gjë është më speciale. Pavarësisht se kam lindur në Prishtinë, prindërit e mi janë nga Gjakova dhe ky është qyteti im. Duke qenë se babai im, Agimi ka marrë detyrë të drejtojë klubin, mendoj se ishte një rast mjaft i mirë edhe për t'u përshëndetur me tifozët. Kur sheh stadiumet plot me njerëz dhe kur çdo gjë shkon bukur, mendoj se e shijon edhe ndeshjen. Jam i lumtur për pritjen që mu bë, pasi u ndjeva jashtëzakonisht mirë. Unë kam qenë dhe do jem tifoz i Vëllazënimit deri në fund", është shprehur Cana në ceremoninë e zhvilluar në nder të ish-futbollistit të Kombëtares shqiptare.
Lexo gjithashtu
