Partizani mori një fitore mjaft të rëndësishme ndaj Kukësit në javën e 32-të të Abissnet Suepriore, duke mbatur kështu gjallë shpresat për titullin kampion. Pasi kanë siguruar 3 pikët ndaj verilindorëve, demat kanë ngushtuar vetëm në 2 pikë diferencën me Tiranën.
Pikërisht bardheblutë janë kundërshtari i radhës në kampionat, me derbin që do të zhvillohet më 17 maj në “Air Albania”, ora 18:30. Për këtë takim Giovanni Colella do të ketë një rikthim të rëndësishëm. Eljon Sota që mungoi ndaj Kukësit do të rikthehet të marrë vendin e tij në formacionin e italianit.
Ndaj rivalëve të kryeqytetit Colella do të ketë “luksin” e zgjedhjeve, pasi si kurrë më parë do të ketë të plotë grupin e lojtarëve. Italiani në këtë mënyrë do të hedhë në fushën e lojës lojtarët më të mirë që ka në dispozicion për të tentuar fitore, e cila do të ishte vendimtare për titullin e Abissnet Superiore.
Lexo gjithashtu
