Partizani po planifikon që të transferojë gjatë merkatos së janarit dhe 3 lojtarë të tjerë. Të kuqtë duan të plotësojnë repartin sulmues, i cili ka mbetur “i vetmuar” me Rubin Hebajn. Deri tani ka dy emra konkretë për objektivat e merkatos: sulmuesi boshnjak i Sarajevës Haris Hanxhic dhe mesfushori sllovako-austriak Tomislav Simkovic.
Drejtuesit e Partizanit kanë hyrë në bisedime me 28-vjeçarin boshnjak Hanxhic, por pika ku negociatat kanë ngecur është kërkesa e lojtarit për pagesë të lartë, një pikë që i ka stepur zyrtarët e Partizanit.
Pas përforcimeve në mesfushë dhe mbrojtje me Alessio Hysenin, Fatjon Jusufin dhe Lum Rexhepin, Partizani ka hedhur te reparti i sulmit duke synuar që të mos lërë asnjë boshllëk që mund të ndikojë negativisht për vazhdimin e kampionatit.
Loading ...
