Partizani siguron shërbimet e talentit të Apolonisë

Merkato e Partizanit këtë verë ka qenë e studiuar. Lojtarë të rinj dhe me shpir të lartë gare, por edhe me talent në këmbët e tyre. U afrua Hakaj nga Vllaznia, në janar Fili nga Apolonia dhe më pas disa të tjerë me moshë të re që po japin frytet në radhët e të kuqve.

Myrto Uzuni

Radha është e beratasit Myrto Uzuni, i cili ka bërë sezon të mirë tek Apolonia. Këmbëshpejti beratas është pranë kalimit te të kuqtë, ndërsa negociatat kanë arritur pikën kulmore. Mësohet se stafi i Partizanit ka siguruar shërbimet e tij, ndërsa mbetet vetëm hedhja e firmës në kontratë që 20-vjeçari të veshë fanellën e 15 herë kampionëve të vendit.

Kosto e kartonit të tij vlerësohet 50 mijë euro nga drejtuesit e Apolonisë, pasi lojtari është në kontratë me bardhejeshilët edhe për 2.5 vite të tjerë. Por, nga negociatat mësohet se të kuqtë mund të paguajnë rreth 10 mijë euro më pak.

Më parë Uzuni është kërkuar nga Skënderbeu dhe Tirana, por edhe Kukësi. Megjithatë, shifra ka mbetur e pa ndryshuar për vlerën e kartonit, 50 mijë euro. Asnjë nga këto klube nuk ka arritur marrëveshje, ndërsa Partizani është treguar i duruar për të fituar shërbimet e lojtarit, duke mos i mbyllur negociatat.