Partizani do të pres këtë të dielë Bylisin në shtëpi. Ky takim do të jetë i fundit për javën e 30 me të kuqtë që do të kenë mundësi më parë të shohin ndeshjet e rivalëve. Tirana kryesuese që është 5 pikë mbi Partizanin luan të shtunën në Shkodër përballë Vllaznisë.
Të besuarit e Colellës kanë zhvilluar dje seancën e radhës në prag të sfidës me ballshiotët. Partizani do të ketë tre mungesa për këtë ndeshje. Selmani dhe Sembene që tashmë kanë mbyllur sezonin, por gjithashtu dhe Maget nuk do të jetë i pranishëm.
Të gjithë lojtarët e tjerë janë në dispozicion të teknikut italian dhe stërvitja dje ka vijuar normalisht. Seanca u përqëndrua në lëvizjet taktike dhe ndaj Bylisit pritet një Partizan i tëri i avancuar përpara.
Poll
Lexo gjithashtu
