Partizani dhe Tirana udhëheqin me nga 44 pikë pas 26 javësh kampionat, me demat që për shkak të përballjeve direkte kanë avantazh ndaj bardhebluve.
Por duket se tashmë fati i buzëqesh skuadrës së Orges Shehit. Kalendari i favorizon kampionët e Shqipërisë, duke iu dhënë kështu një dorë në rrugën drejt titullit kampion.
Plot 3 ndeshjet e radhës bardheblutë do t’i luajnë në shtëpinë e tyre. për llogaritë e javës së 27-të presin Erzenin, ndërsa më pas e kanë radhës Kukësi dhe Egnatia të udhëtojnë në kryeqytet.
Në këtë mënyrë bardhebluve iu vjen fati në “derë” pasi mund të marrin 9 pikë të vlefshme për titulin, duke përbërë kështu avantazh ndaj rivalëve të tyre, të cilët do t’u duhet të udhëtojnë në transfertë në këto 3 javë.
Demat do të sfidojnë në transfertë për llogaritë e javës së 27-të Teutën, më pas Egnatian dhe Laçin. Transferta të vështira për të kuqtë që vendosin shumë edhe për fatin e titullit.
Lexo gjithashtu
