Partizani do luajë në transfertë ditën e shtunë ndaj Kukësit, në orën 16:00, takim i vlefshëm për javën e 29-të të kampionatit. Kryendeshja e kësaj jave pritet me mjaft interes nga sportdhashësit për vetë objektivat që kanë të dyja skuadrat.
Partizani në këtë transfertë pritet të zbresë në fushë me më të mirët. Trajneri Klevis Dalipi duket se ka ideuar disi ekipin që do zbresë në fushë nesër në "Zeqir Ymeri" me përjashtim të disa dilemave të vogla.
I vetmi dyshim mbetet ai në repartin e mesfushës, ku në balotazh është Mala me Telushin, vendim i cili pritet të merret nga tekniku pak para se skuadrat të zbresin në fushën e blertë.
Formacioni i mundshëm:
Partizani: Hoxha, Progni, Gojkoviç, Belica, Kotobelli, Batha, Mala (Telushi), Asani, Lukas, Trashi, Çani;
Trajner: Klevis Dalipi
Lexo gjithashtu
