Partizani është një nga klubet më aktive në Shqipëri që përkon me zhvillimin e projekteve të rëndësishme për të kuqtë. Përfaqësuesit e demave herë pas here zhvillojnë dhe takime mjaft të rëndësishme për të ardhmen e famijles së kuqe.
Ditën e sotme ka pasur një tjetër takim mjaft interesant me ambasadorin Kinez në Shqipëri, ku ndër të tjera është diskutuar mundësia për shkëmbime dhe bashkëpunime në fushën e sportit.
Nëpëmjet një postimi në rrjetet sociale, Ding Zhou ka treguar mes rreshtave së është shumë i lumtur që Loro Boriçi ka dhënë një kontribut të madh në Kinë si trajner.
“Sot pata një shkëmbim të këndshëm me miqtë nga klubi shqiptar i futbollit "Partizani". Shqipëria është një vend me traditë në futboll dhe "Partizani" është një nga ekipet më me ndikim në Shqipëri. Loro Boriçi, një lojtar i njohur i ekipit, ka qenë trajner në Kinë në shekullin e kaluar dhe ka dhënë kontribut të rëndësishëm në nxitjen e shkëmbimeve sportive mes dy vendeve. Tirana u zgjodh "Qyteti Europian i Sportit" këtë vit dhe ne presim që të dy palët ta shfrytëzojnë këtë mundësi për të nxitur aktivisht shkëmbimet dhe bashkëpunimin në fushën e sportit dhe për të thelluar miqësinë tradicionale mes dy vendeve”, thuhet në postimin e ambasadorit kinez në Shqipëri.
Lexo gjithashtu
