Partizani do të luajë “betejën” e radhës në stadiumin “Partizani” ndaj skuadërs së Erzenit. Një sfidë ku nga demat kërkohet fitorja për të mbetur në luftë për titullin kampion.
Por siç duket jo çdo gjë është në favorin e tyre përpara kësaj përballjeje. Demat janë “alarmuar” pasi dy lojtarë titullarë janë dëmtuar.
Pas Alban Hoxhës dhe Eljon Sotës që nuk janë rikuperuar ende tashmë në listën e infermierisë janë shtuar edhe Paulo Buxhelaj dhe Valentino Murataj. Mbrojtësi i majtë nuk është stërvitur dy ditët e fundit dhe ndaj shijakasve pritet të jetë një tjetër mungesë.
Nga ana tjetër edhe mesfushori ka shfaqur probleme fizike dhe ditën e djeshme nuk është stërvitur me pjesën tjetër të lojtarëve duke “alarmua” kështu stafin e kuq. Mjekët do të thonë fjalën e e fundit për gjendjen e lojtarëve dhe gadishmërinë në sfidën e nesërme.
Një "dhimbje koke" për Colellën pasi alternatizat në stol për mbrojtjen dhe mesfushën nuk janë të shumtan dhe kjo do të thotë se italiani do të "improvizojë" lojtarët jashtë pozicionit të tyre.
Lexo gjithashtu
