Partizani do të përballet ditën e diel me Erzenin në sfidën që do të luhet në “Niko Dovana” duke nisur që nga ora 15:45. Një takim mjaft i rëndësishëm për demat, të cilët kërkojnë që të kryesojnë tabelën e klasifikimit dhe ndaj ballshiotëve nuk duan hapa fals.
Por për këtë sfidë është sulmi ai që bën me “dhimbje koke” trajnerit, Giovanni Colella. Dy lojtarët e rëndësishëm, Victor Da Silva dhe Xhuliano Skuka kanë shqetësuar stafin teknik. Braziliani vijon të ketë problem fizike dhe kur u mendua se lojtari u rikuperua, përsëri u rishfaq një problem muskulor, që ka detyruar lojtarin të mungojë në stërvitjet e fundit të skuadrës, madje nuk ëhstë parë as në hotelin e skuadrës. Nuk dihet akoma se cila është situata e brazilianit, por drejtuesit shpresojnë që lojtari të kthehet në fundjavë, por ndja Erzenit është mungësë e sigurtë.
Sulmuesi tjetër, Skuka është goditur me top në fyturë gjatë stërvitjes, gjë e cila ka bërë që dibrani të lërë në gjys seancën stërvitore, por dueli e shijakasit nuk pritet të jetë në rrezik.
Lexo gjithashtu
