Një lajm i keq për Tiranën para sfidës me Bylisin në kampionat. Bardheblutë janë tronditur nga lajmi mbi gjendjen e Patrick. Braziliani u dëmtua në derbin me Partizanin dhe la fushën e lojës duke çaluar.
Por jo vetëm kaq, pasi Patrik do t’i nënshtrohet një operacioni gjë e cila detyron lojtarin të mbyllë para kohe sezonin dhe braziliani mund të rikthehet në fushën e lojës vetëm në muajin gusht.
Padiskutim që humbja e një lojtari si Patrick është e madhe, pasi braziliani u kthye në ndeshjet e fundit në një pikë kyçe në skuadër, ku me golat e tij ka arritur t’u dhurojë bardhebluve pikë të vlefshme për titullin kampion. Nga ana tjetër ky është një lajm i mirë për Partizanin dhe rivalët e tjerë të kampionëve, pasi këto të fundit "dobësohen" në fazën më të nxehtë të kampionatit.
Në mungesë të 24-vjeçarit liderin e sulmit i mbetet ta bëjë Hasani, që me dygolëshin ndaj Laçit është ai golashënuesi i kampionatit këtë sezon.
Lexo gjithashtu
