Erald Çinari është një nga mundësitë e arta që prezantohet në merkaton e janarit për klubet e Superiores. Sulmuesi shkodran, kampion me Partizanin pak vite më parë, shkëputi kontratën me Samsunspor në kampionatin turk dhe tashmë është një futbollist i lirë.
Cilësitë e tij janë të mirëpritura në Superiore dhe klubet pretendente kanë përveshur mëngët për të siguruar shërbimet e tij. Tre janë ekipet e Shqipërisë në garë për 26-vjeçarin, Tirana, Partizani dhe Vllaznia. Një tjetër pistë konkrete është edhe Shkëndija e Tetovës, një preferencë e lojtarit deri tani.
Dy të fundit janë më pranë futbollistit por një postim i fundit i Cinarit në rrjete sociale, sinjalizon për një rikthim të mundshëm në Shkodër. Çinari ka shpërndarë një video të vjetër teksa ai shënonte një gol me fanellën kuqeblu dhe mbi të, dy emoji zemre me ngjyrat e klubit dhe një tjetër duke shkelur syrin.
Lexo gjithashtu
