Këtë të mërkurë, Partizani luan një nga 90 minutëshat me të rëndësishëm të sezonit 2019-2020.
Të kuqtë synojnë që të shkojnë sa më larg në UEFA Champions League, por kundërshtari i fazës së parë, Qarabag po tenton t'ia prish planet. Azerët janë një skuadër mjaft e fortë, sidomos në shtëpi, aty ku do të zhvillohet edhe akti i dytë i raundit të parë kualifikues të kompeticionit më të rëndësishëm për klubet europiane.
Barazimi 0-0 në Tiranë i jep shpresa të dy skuadrave, me Partizanin që mendon që kualifikimin mund ta arrijë edhe nga 11 metërshat. Pikërisht këtu ka qënë fokusi i ekipit, me stafin e Lerdës që në mbyllje të seancës stërvitore të djeshme i ka vendosur lojtarët përballë "emocioneve" të penalltive.
Një seancë e ngjashme me atë të 3 viteve më parë, ku ndaj Ferencvaros avancuar në raundin tjetër falë goditjeve të 11 metërshave.
Porta u mbrojt nga portieri i dytë, Xhixha, ku natyrisht nuk munguan as devijimet e sakta dhe ruajtja e portës. Takimi mes Qarabag dhe Partizanit luhet të mërkurën në "Dalga Arena" duke nisur nga ora 19:00.
Lexo gjithashtu
