Partizani do të zhvillojë sot seancën e radhës stërvitore në kuadër të përgatitjeve për ndeshjen kundër Egnatias. Të kuqtë e trajnerit Giovani Colella janë besimplotë se në këtë takim do të marrin maksimumin. Për italianin do të ketë rikthime të rëndësishme në skuadër. Bëhet fjalë për katër lojtarët e grumbulluar nga Kombëtarja që i dhanë fund misionit me Arabinë Saudite.
Eneo Bitri, Andi Hadroj, Arinaldo Rrapaj dhe Xhuliano Skuka do të jenë sot në urdhrat e trajnerit të kuq. Pritet me interes të shihet paraqitja e tyre ku duhet përmendur fakti se Bitri dhe Hadroj e nisën si titullar me kuqezinjtë. Ndërsa Skuka u fut në pjesën e dytë si zëvendësues. Ndeshja Egnatia – Partizani do të zhvillohet të dielën në orën 14:00.
Poll
Lexo gjithashtu
