Humbja e djeshme e Partizanit ndaj Vllaznisë, trazoi jo pak ujërat në Kategorinë Superiore. Të kuqtë shpërdoruan avantazhin duke u përmbysur në fund por edhe duke rihapur garën për kryesimin e renditjes. Fitorja e Tiranës ndaj Laçit, i afroi bardheblutë me vetëm 1 pikë larg kreut duke rritur mjaft shumë presionin ndaj rivalëve.
Fitorja në një fushë të vështirë si ajo e Laçit është një çlirim për Shehin teksa tashmë sheh përpara një kalendar shumë më të lehtë në letër por të ngjeshur. Pas ndeshjes së Kupës më 18 janar ndaj Lushnjes, kampionët në fuqi do të luajnë me Bylisin, Erzenin dhe Kukësin brenda 15 ditëve. Duke vendosur theksin te ndeshja delikate me Erzenin, dy të tjerat shihen të kalueshme për Tiranën në letër.
Poll
Lexo gjithashtu
