Vedat Muriqi është një nga lojtarët kryesore te Mallorca dhe përfaqësuesja e Kosovës. Paraqitjet e sulmuesit në La Liga dhe me fanelën e “dardanëve” janë vlerësuar nga Federata e Futbollit të Kosovës.
Ish-lojtari i Lazios ka fituar çmimin “Fadil Vokrri” dhe është shpallur lojtari më i mirë kosovar për vitin 2022. Pasi u vlerësua me këtë çmim, Muriqi theksoi se është shumë i lumtur dhe krenar që vazhdon të mbështetet nga tifozët.
“Ju uroj festat e fundvitit. Jam i lumtur dhe krenar. Falënderoj bashkëlojtarët e Përfaqësueses. Jam i sigurt se do të më përkrahni deri në fund të karrierës. Është hera e dytë që po zgjidhem si më i miri. Shpresoj që viti 2023 të jetë viti i Kosovës dhe të arrijmë majat, si në aspektin ekipor me Kosovën, por edhe në aspektin individual”, ka thënë Muriqi në një lidhje nga Spanja.
Lexo gjithashtu
