Për mungesë të rezultateve, trajneri i Tomorrit ka marë përgjegjësinë të lërë drejtimin e ekipit, duke u justifikuar se, një skuadër si Tomorri me shumë traditë nuk ishte normale të arrinte ato rezultate dhe të renditej aq poshtë në tabelën e klasifikimit.
Drejtuesit e klubit nuk kanë vonuar, duke emëruar menjëherë trajnerin e ri të skuadrës. Bëhet fjalë për Polizoi Arbrin, ish - futbollistin e Vllaznisë, i cili për shkak të një dëmtimi u detyrua të braktiste futbollin shumë më shpejt nga sa kishte planifikuar Arbri.
Ky i fundit është një emër i ri në trajnim, por mjaft i njohur në Berat, pasi është i biri i një prej futbollistëve të njohur të ekipit të Tomorrit, Thoedhori Polizoi. Arbi ka qenë pjesë e shumë skuadrave të Superligës, si Flamurtari, Vllaznia dhe Kukësi, por dëmtimet e shpeshta e detyruan këtë të fundit të lërë fiutbollin dhe së fundmi të rikthehet si trajner, konkretisht te Tomorri.
Lexo gjithashtu
