Oriku është një nga skuadrat që gjendet në zonën e ftohtë në tabelën e klasifikimit në Kategorinë e Parë, ku në 12 ndeshje ka grumbulluar 11 pikë. Drejtuesit duan qëndrimin në këtë kategori dhe për këtë janë pa “frena” në merkaton e janarit.
Tashmë zyrtarisht ish-sulmuesi i Erzenit është bërë pjesë e bregdetarëve për pjesën tjetër të sezonit, ndërsa ëhstë larguar kështu nga shijakasit. Bëhet fjalë për sulmuesin senegalez, Thierno Thioub. 24-vjeçari kështu është afrimi i parë për ta, ndërsa shihet si lojtarë me vlerë që do të spikasë në pjesën tjetër të sezonit.
Kujtojmë se tek Erzeni ka luajtur në 10 ndeshje si zëvendësues duke siguruar 169 minuta, ndërsa tashmë te Oriku minutat pritet të jenë më të shumta nën urdhrat e Arlind Rustemit.
Poll
Lexo gjithashtu
