Fitore në frymën e fundit e Tiranës teksa u desh goli i Ardit Hilës në minutën e 91’ për të ndezur festën në Elbasan Arena. 3 pikë jetike në garën për titullin kampion që mbajnë distancën +5 nga Partizani. Pas ndeshje, trajneri Shehi foli për Oversport.
"E dinim që do të ishte një ndeshje e rëndësishme. Komplimente kundërshtarit që po luan fort, mbrohen me gjithë forcat mbrapa, kur ke para kundërshtarë të tillë është e vështirë. Jemi të kënaqur për 3 pikët edhe pse kishim punë taktikisht. Bëmë lëvizje të ndryshme por të gjitha erdhën për të qenë triumfues në këtë ndeshje pasi me një kundërshtar të tillë është e vështirë.
Kastrioti na e bëri të vështirë, por duke patur edhe kontigjentin jo të duhur na bëri të ndryshojmë disa herë modulin. Është vështirësia të gjesh lojtarët e përshtatshëm. Pas gjithë këtyre ndryshimeve më vjen mirë për skuadrën. Kjo fitore më ka shijuar më shumë se ajo në Shkodër.
Ne ndryshojmë shpesh, lojtarët kanë ndryshuar disa herë pozicionet, Haxhiu luajti në të dyja krahët, Hila u fut në pjesën e dytë dhe ishte një lojtarë mes linjave. Hila stërvitet shumë mirë, është me eksperiencë dhe meriton komplimentat."-tha Shehi.
Lexo gjithashtu
