Tirana do të luajë të dielën kundër Bylisit në Ballsh, sfidë e vlefshme për javën e tetë të Superiores. Bardheblutë nuk fitojnë prej 2020-tës në stadiumin “Adush Muça”, megjithatë trajneri Orges Shehi po e përgatit në maksimum ekipin e tij.
Në këtë takim do të rikthehet Bruno Lulaj, i cili ishte i penalizuar prej kartonit të kuq në deri. Madje trajneri Shehi e ka llogaritur si titullar në transfertën e vështirë ballshiote duke i besuar cilësive të shtatlartit.
Sytë e të gjithëve janë te Redon Xhixha, sulmuesi kurbinas që po bën mjaft mirë. A do të arrijë të shënojë sërish shtatshkurtri? Këtë do ta shohim të dielën në orën 15:00.
Me gjasë 26 herë kampionët e Shqipërisë do të zbresin në fushë me këtë formacion titullar: Bekaj, Tozhevski, Behiratche, Lulaj, Ismajlgeci, Deliu, Aleksi, Kallaku, Hasani, Patrick, Xhixha.
Lexo gjithashtu
