Në Shqipëri prej disa vitesh veprojnë dhe disa "Fan Club"-e të skuadrave më në zë të Europës. Mes tyre është dhe Milan Club Albania, tashmë i njohur zyrtarisht nga klubi kuqezi. Djemtë janë duke përgatitur sezonin e ri, ndërsa për "Newsport.al" tregojnë projektin e sezonit të ardhshëm. Elton Guranjaku i pyetur për disa detaje, në intervistën e mëposhtme tregon çdo gjë me detaje që nga data e krijimit dhe deri atë që po ndodh deri sot.
Kur është krijuar Milan Club Albania?
“Milan Club Albania” është krijuar në Prill të 2012 nga një grup djemsh në Tiranë të apasionuar me ngjyrat kuqezi.
[caption id="attachment_15691" align="alignleft" width="300"]
Milan Club Albania pozojnë përpara stadiumit në San Siro[/caption]
Si lindi ideja për krijimin e këtij Fan Clubi?
Ideja më lindi shumë natyrshëm, duke parë që Milan është një nga skuadrat më të ndjekura në Shqipëri ku aktualisht në faqen tonë në Facebook numërojmë rreth 350 mijë pëlqime, mendova që këta tifozë duhet të kenë fan clubin e tyre zyrtar në Shqipëri të njohur nga klubi i Milanit. Pasi krijuam lidhjet me zyrën e fan club-eve në Milano aimc.eu morëm aprovimin e tyre për ta krijuar në Shqipëri zyrtarisht. Me ndihmën e disa shokëve si Mario, Ermali, Klei, Klajdi, Kristi, Amarildo, arritëm të regjistronim anëtarët e parë dhe çdo vit shtohen me qindra të tjerë.
Si është i organizuar Milan Club Albania?
MCA është i regjistruar në AIMC Milano associazione italiana Milan Club prej 4 vitesh. Me statutin e saj ku jane detyrimet si dhe përfitimet tona prej saj. Çdo sezon të ri nisen drejt nesh kartat e anëtarësimit si dhe disa dhurata si postera, kartolina, çanta etj për të gjithë anëtarët tanë në Shqipëri.
Sa anëtarë ka ky Fan Club?
Për momentin që flasim sapo kemi nisur sezonin e ri të anëtarësimeve dhe jemi në fazën e parë të saj, ku në datën 14 Korrik kemi takimin e parë për anëtarët e rinj që duan të anëtarësohen në fan club për sezonin 2016-2017. Ndërsa sa i përket numrit të anëtarëve, sezonin që shkoi numëruam rreth 445 anëtarë të cilët janë nga e gjithë Shqipëria.
[caption id="attachment_15692" align="alignleft" width="300"]
Logo e Milan Club Albania[/caption]
A ka Milan Club Albania marrëdhënie me Fan Club-et e tjerë rivalë si Inter Club Albania apo Juventus Club Albania?
Kemi marrëdhënie të mira do të thoja edhe pse më anë të faqeve tona ngacmohemi shpesh me njeri tjetrin gjithmonë në nivelin sportiv.
Si fan club kemi krijuar mundësinë të luajmë ndeshje miqësore me të dy fan clubet e tjerë si të Juventus dhe atë të Inter dhe mendoj së është krijuar një klime pozitive rreth nesh. Personalisht i shikoj si rivale vetëm në aspektin sportiv ku diferencën midis nesh e bëjnë aktivitetet dhe që MCA është shumë lart në këtë aspekt.
Cilat janë aktivitetet e zakonshme vjetore të Milan Club Albania?
Zakonisht mblidhemi sëbashku të ndjekim ndeshjet e Milanit në një nga baret e Tiranës si dhe të ndjekim Milanin në San Siro, 2-3 herë në vit, zakonisht në ndeshjet derbi kundër Inter dhe ato kundër Juventus. Udhëtimet tona kanë qenë gjithmonë të bukura dhe emocionuese. “San Siro” të jep një ndjesi të veçantë, është impiant magjik do thosha. Në raste të tjera kemi pasur rastin të futemi në “Milanello”, në qëndrën stërvitore të kuqezinjve ku kemi ndjekur stërvitjen si dhe kemi takuar lojtarët dhe stafin drejtues të cilët kanë qenë shumë të dashur dhe të disponueshëm me ne.
Çfarë surprizash keni planifikuar për sezonin e ardhshëm?
Një nga surprizat më të bukura besoj se mund të jetë sjellja e Trofeut të Champions League e fituar nga Milan në 2007. Na është premtuar se dy drejtues nga AIMC Milano do të vijnë në Shqipëri dhe të sjellin kupën për ta parë nga afër të gjithë fansat e Milanit dhe të kenë një kujtim me trofeun më të rëndësishëm në rang klubesh. Shpresoj se do ta realizojmë këtë vit.
[caption id="attachment_15693" align="alignleft" width="300"]
Zyra e Milan Club Albania[/caption]
Sa e vështirë është të përjetosh situatën aspak të mirë të Milanit në sezonet e fundit për Milan Club Albania?
Shumë e vështirë, pasi Milan nuk është mësuar të rrijë kaq gjatë në këto nivele. Zemërimin e tifozave e ndjejmë dhe ne me anë të faqes sonë në Facebook dhe Instagram ku nuk mungojnë ofendimet drejt drejtuesve te klubit.
A është rritur optimizmi në rradhët e Fan Club-it për sezonin e ri duke qënë se Berluskoni është në prag të shitjes së klubit te kinezët?
Optimizëm ka por është diçka që po zgjat më shumë se ç’duhet dhe po sos durimin e tifozave. Personalisht do preferoja Berlusconin, por jo atë të katër viteve të fundit, por atë president ku ne 30 vjet fitoi 28 trofe. Duke parë se dëshira e Berlusconit është duke u zbehur, shpresoj që shitja drejt investitorëve kinezë të bëhet sa më shpejt dhe të jetë diçka e mirë për të ardhmen e Milanit.
[caption id="attachment_15694" align="alignleft" width="300"]
Milan Club Albania në stadium në Milano[/caption]
Cila është ndeshja e Milanit që ka ngelur në kujtesën tuaj që nga koha që keni filluar ta ndiqni këtë ekip?
Une e ndjek Milanin nga viti 1994, atë vit ku Milan shkatërronte Barcelonën në finalen e Champions 4-0. Ka shumë ndeshje nga ai vit deri tani. 6-0 kunder Inter, finalja Champions kundër Juventus në 2003, apo ajo kundër Liverpool ne 2007. Por unë do preferoja fitoren kundër Man Utd në gjysëm finalen e 2007, 3-0. Ancelotti tha se ajo ishte 'Ndeshja perfekte'
Cili futbollist i historisë së Milanit është i preferuari juaj?
Si tifoze të Milanit kemi patur fatin të ndjekim shumë yje në skuadrën tonë duke filluar nga Van Basten, Gullit, Rijkard, Saviçeviç, Baresi, Ueah, Shevchenko, Pirlo, Rui Costa, Kaka, Inzaghi, Nesta, Ibrahimovic, Thiago Silva apo shumë të tjerë, por personalisht më i madhi është Paolo Maldini dhe më vjen shumë keq që nuk është në stafin drejtues sepse e meriton më shumë nga të gjithë. Një ikonë si Paolo nuk duhet të qëndrojë larg klubit kuqezi.
Lexo gjithashtu
