Futbolli shqiptar do të mësojë sot paradite datën e nisjes së sezonit të ri ose vijimin e mëtejshëm të futbollit. Liga Profesioniste, në prezencë të 10 presidentëve të Superligës do të takohet paraditen e sotme në ambientet e “Air Albania Stadium”, aty ku ku do të diskutohet në prezencë të kreut të Federatës Shqiptare të Futbollit, lidhur me takimin e këtij të fundit me kryeministrin Rama.
Vetë Armand Duka pas diskutimit me kreun e Qeverisë shqiptare u shpreh se do të merren parasysh katër kërkesat e Ligës dhe sportit, andaj orët e paradites së sotme janë deçizive për një vendim pozitiv. Me gjasë, mesi I kësaj jave ose fundjava do jetë periudha e nisjes së sezonit 2020-21 në futbollin shqiptar.