Ndeshjet e ditës së sotme do të jenë vetëm dy dhe do të zhvillohen në të njëjtën orar kohor të dyja. Kemi hyrë në ndeshjet e fundit të fazës së grupeve dhe shumë nga vendimet merren në finish . Kush nga skuadrat do të kualifikohet si dy më të mirat e grupeve dhe cilat do të kenë shansin të kualifikohen si të tretat më të mira. Mbrëmja do të jetë e gjitha për grupin A , me dy sfidat e orës 21 me përballjen ndërmjet Shqipërisë dhe Rumanisë, dhe Francës me Zvicrën. Nga rezultatet e ndeshjeve të para vetëm Franca e ka siguruar kalimin për më tej duke i fituar të dyja ndeshjet.Zvicra gjithashtu është e avantazhuar pasi ka grumbulluar 4 pikë në dy ndeshje. Më e zezë paraqitet situata për Kombëtaren tonë që i ka humbur të dyja ndeshjet dhe i duhet një fitore me shumë gola për të shpresuar kualifikimin, ndërkohë që edhe Rumania nga ana e saj kërkon fitoren që do ta kualifikonte për më tej.
Kompanitë e basteve favorizojnë më shumë fitoren e Rumanisë në ndeshjen e sotme me Shqipërinë duke e kuotuar fitoren e saj me koefiçentin 2.35, barazimin ndërmjet skuadrave me koeffiçentin 3.20 dhe po aq edhe fitoren e mundshme të Shqipërisë.
Për ndeshjen mes Zvicrës dhe Francës fitorja e zvicerianëve kuotohet me koefiçentin 4, barazimi ndërmjet skuadrave me koefiçentin 3.15 dhe fitorja e Francës me koefiçentin 2.05.
Për një ose dy nga skuadrat është i garantuar kthimi në shtëpi dhe mbyllja e aventurës Europiane.
Lexo gjithashtu
