Tirana merr ofertën e parë për Merveil Ndockyt. Spartaku i Moskës ka ofruar 300 mijë euro për talentin e bardhebluve.
Sipas "Sport Ekspres", menaxheri i njohur Shkumbin Qormemeti ka kontaktuar me presidentin e Tiranës, Refik Halilin, duke i parashtruar ofertën e klubit rus.
Por, përgjigjja e presidentit bardheblu ka qenë negative, duke e refuzuar ofertën.
Merveil ka një kontratë 3-vjeçare me Tiranën dhe Halili nuk ka ndërmend ta shesë që tani talentin 18-vjeçar. Presidenti bardheblu ia ka bërë të qartë menaxherit Qormemeti se kërkon që mesfushori kongolez të japë ende kontribut për Tiranën, pse jo të fitojë edhe titull kampion.
Shitja e Merveil është e pashmangshme, por për momentin, 18-vjeçari do të qëndrojë te 24 herë kampionët e vendit.
Lexo gjithashtu
