Elbasani po përgatitjet intensivisht për duelin me Dinamon. Ivan Gvozdenovic nuk është edhe shumë i qetë, pasi ka një “mal” me probleme para duelit me “Blutë”.
2 titullarë nuk do të jenë të gatshëm ndaj ekipit të Ilir Dajës dhe diçka e tillë alarmon stafin e vertdhebluve. Bruno Lulaj do të mungojë për shkak pezullimi, ndërsa Olberkis nuk është rikuperuar ende nga dëmtimi që mori kundër Egnatias.
Në këtë mënyrë qendra e mbrojtjes del e zbuluar, me Gvozdenovic që duhet të gjejë planin “B”. Por jo vetëm kaq, pasi edhe 2 lojtarë të tjerë janë në dyshim.
Ben Shimon dhe Ze Gomes kanë probleme muskulare dhe ende nuk dihet nesë deri ditën e ndeshjes do të mund të rikuperohen. Gjithsesi për ta “fjalën” e fundit do ta thonë mjekët e skuadrës. Dueli me Dinamon do të luhet ditën e dielë në "Elbasan Arena", në orën 19:00 dhe është i vlefshëm për javën e 3-të të kampionatit.
Lexo gjithashtu
